Ақылжан Ақылбеков Абай облысының жұмылдыру даярлығы және азаматтық қорғау басқармасының басшысы болып тағайындалды.

Ақылжан Ақиқатұлы Ақылбеков 1981 жылы 26 қыркүйекте Семей облысы Ақсуат ауданында дүниеге келген. Қазақстан Республикасы Ұлттық қауіпсіздік комитетінің әскери институтының «Бөлімшелердің қызметтік – жауынгерлік іс-қимылдарын басқару» және Қазақ инновациялық гуманитарлық - заң университетінің «Құқықтану» мамандықтары бойынша бітірген.

Еңбек жолын 2002 жылы бастап 2019 жылға дейін Қазақстан Республикасы Ұлттық ұланы әскери бөлімдерінде взвод, рота, батальон, полк командирі лауазымында, қызмет атқарды.

2019 жылдан 2023 жылға дейін Қазақстан Республикасы Ұлттық ұланының дағдарысқа қарсы оқу орталығының нұсқаушысы болып жұмыс істеді.

2023 жылдан 2024 жылға дейін Абай облысы әкімі аппаратының жұмылдыру дайындығы жөніндегі бас инспекторы болды.