Ауыл шаруашылығы министрі Айдарбек Сапаров жұмыс сапарымен Абай облысына барып, егін жинау жұмыстарының барысын тексерді.

Өңірдегі егіс алқабы ағымдағы жылы 749,6 мың гектарды құрады,бұл өткен жылғы деңгейден 4,2 мың гектарға жоғары.

«Агрофирма Приречное» ЖШС-де жемшөп дайындау жұмыстары толық жүргізілуде. Шаруашылық картоп өндіру бойынша тұқым өсіруші мәртебесіне ие, сондай-ақ ет бағытындағы қазақтың ақбас тұқымын өсірумен айналысады. Жыл сайын мұнда 15 мың тоннадан астам көкөніс және 18 мың тоннаға дейін жем өсіріледі.

Министр сондай-ақ ұн тарту және құрама жем комбинатына барды. Элеватордың сақтау сыйымдылығы 133 мың тоннаны құрайды, жыл сайын шамамен 10 000 тонна бидай өңделеді.

Кәсіпорын үшін өнімді экспорттау үшін нарықтарды ашу мәселесі өзекті болып табылады.

Айдарбек Сапаров осыған байланысты нақты шаралар қабылдап жатқанын айтты. Атап айтқанда, ағымдағы жылы ҚХР, Түркияға ет экспорты ашылды.

«BI Agro Group» ЖШС егістіктерінде астық жинау бойынша белсенді жұмыстар жүргізілуде.

«Мемлекеттік қолдаудың арқасында барлық агротехнологияларды сақтауға мүмкіндік туды. Біз жақсы өнім алдық. Негізгі проблема-кадрлардың, әсіресе жастардың тапшылығы. Біз басқа аймақтардан жұмысшыларды тартуымыз керек, олар үшін жатақхана саламыз. Жалақы жоғары, бір маусымда 5 млн теңгеге дейін ақша табуға болады», - деді шаруашылық өкілдері.

Аграршылармен кездесуде министр Президенттің тапсырмасы бойынша ағымдағы жылы АӨК-ні төмендетілген мөлшерлеме бойынша аграршыларға несие беру үшін мемлекеттік қаржы институттарын субсидиялау жолымен жеткіліксіз қаржыландыру мәселесі шешілгенін атап өтті.

«Алғаш рет көктемгі егіс, егін жинау жұмыстарын несиелеу және ауыл шаруашылығы техникасын лизингтеу кезінде сыйақы мөлшерлемесін арзандату тетігі қолданылды, бұл фермерлерді субсидиялау қажеттілігінсіз техниканы жылдық 5% - бен беруге мүмкіндік берді. Келесі жылы бұл тетік қайта өңдеу кәсіпорындарын айналым қаражатын сатып алуға қаржыландыру кезінде қолданылатын болады. Мемлекет қабылдаған барлық шаралар АӨК дамуына ықпал етеді. Бұл жұмыстың нәтижесін сіз қазірдің өзінде сезінесіз», - деп атап өтті Айдарбек Сапаров.

Аграршыларды бидайдың сатып алу бағасы, «Ауыл аманаты» бағдарламасы шеңберінде қаржыландыруға қатысты сұрақтар, мал сою бойынша комбинат салу және т.б. қызықтырды.

Министр бидайды сатып алу бағасына қатысты «Азық-түлік корпорациясы» оларды алдағы күндері жариялайтынын айтты.