ҚР Өнеркәсіп және құрылыс министрлігі кәсіби дағдыларды онлайн форматта дамыту мүмкіндігі туралы хабарлайды. көп функционалды Skills Enbek (https://skills.enbek.kz/ru) платформасы біліктілікті арттыру алаңы ретінде жасалған.

Skills Enbek – нарықтағы бар курстарды оңай және ыңғайлы іздеу үшін жетекші ұлттық және халықаралық білім беру платформаларымен интеграцияның арқасында сұранысқа ие дағдылар бойынша онлайн курстардың бірыңғай витринасы.

Платформа әртүрлі бағыттар бойынша 600-ден астам курстарды ұсынады. Олардың қатарында сумен жабдықтау және су тарту желілері мен құрылыстарын пайдалану, апаттық жөндеу слесарі, жабдықтарға, құбырлар мен жылу желілерінің арматурасына техникалық қызмет көрсету және жөндеу сынды тұрғын үй-коммуналдық шаруашылық және абаттандыру саласындағы тегін курстар бар. Сондай-ақ «Өндіріс» саласы бойынша дәнекерлеу өндірісінің негіздері, токарлық өңдеу негіздері секілді курстар бар.

Skills Enbek бойынша 459 мыңнан астам пайдаланушы оқытылды, оның 378 мың адамы курстарды сәтті аяқтады. Алынған сертификаттар Электрондық еңбек биржасы порталындағы түйіндемеге біріктірілген, бұл үміткерлердің бәсекеге қабілеттілігін айтарлықтай арттыратынын айта кеткен жөн.

Сайт интерфейсі қазақ, орыс және ағылшын тілдерінде ұсынылған, сонымен қатар курстарды кеңейтілген іздеуді, сабақтардың нақты құрылымын, оқу процесін басқару мүмкіндігін және курс авторларымен жылдам әрекеттесуді ұсынады. Сондай-ақ платформада жұмыс істеуге арналған әдістемелік ұсыныстар, сабақтарды құрастыру конструкторы, курстарды жасау, статистиканы және тиімділікті қарау интерфейсі бар.

Сайттың техникалық мүмкіндіктері қызметкерлерді тестілеуге және сертификаттауға мүмкіндік береді, мысалы, прокторинг уақыт пен компания ресурстарын үнемдей отырып, қызметкерлердің кәсіби құзыреттілігін объективті бағалауға мүмкіндік береді.