Конкурстық рәсімдердің нәтижесіне сәйкес, аудан әкімінің өкімімен  Дүйсембаев Дархан Бердібекұлы Көкпекті ауданы әкімі аппаратының басшысы болып тағайындалды.

Дархан Бердібекұлы 1988 жылғы 29 қарашада Көкпекті ауданы Егінбұлақ ауылында дүниеге келген. Білімі жоғары, 2012 жылы Семей мемлекеттік педагогикалық институтын «Қазақ тілі мен әдебиеті пәнінің мұғалімі» мамандығы бойынша, 2019 жылы Қазақ инновациялық гуманитарлық-заң университетін «Құқықтану» мамандығы бойынша тәмамдаған. Отбасын құрған, 2 баланың әкесі. Еңбек өтілі 16 жыл. 

Әр жылдары Дархан Бердібекұлы Көкпекті ауданы Ұзынбұлақ орта мектебінің мұғалімі, Көкпекті аудандық мәдениет және тілдерді дамыту бөлімінің тіл маманы, Көкпекті аудандық «Жұлдыз - Новая жизнь» газетінің тілшісі, Көкпекті аудандық «Жұлдыз - Новая жизнь» газеті бас редакторының орынбасары, Көкпекті аудандық Жастар орталығының директоры, Көкпекті аудандық «Жұлдыз - Новая жизнь» газетінің директор - бас редакторы, Көкпекті аудандық «Ұлттық спорт ойындары орталығы» директорының орынбасары болып жұмыс істеген. 

Тағайындалға дейін 2015 жылдан бастап Көкпекті аудандық «Жұлдыз - Новая жизнь» газетінің директор - бас редакторы қызметін атқарды.