Бүгін Астанада «Green energy & waste recycling» VIII Еуразиялық бизнес-форумы өз жұмысын бастады. Форумда Экология және табиғи ресурстар вице-министрі Жомарт Әлиев еліміздегі қалдықтарды басқарудың ағымдағы жағдайы мен шаралары туралы баяндама жасады.

Вице-министр атап өткендей, 2023 жылы 4,1 млн тонна коммуналдық қалдықтар пайда болды, оның тек 24% - ы ғана қайта өңделді. Рұқсат етілмеген полигондар маңызды мәселе болып қала береді: 4868 анықталды, оның тек 32% - ы жойылды.

Үкімет тарапынан қалдықтарды сұрыптау және қайта өңдеу зауыттарын салу үшін жеңілдетілген қаржыландыру туралы қаулыны бекітілген. 2023 жылы 232 млрд теңге сомасына 94 жоба іріктелді.

2023 жылғы жағдай бойынша 3016 ҚТҚ полигонының тек 624-і ғана талаптарға сәйкес келеді. Іс-шаралар жоспары шеңберінде 100 жаңа полигон салу және қолданыстағы полигондардың қуатын кеңейту көзделген.

Осы проблемаларды шешу үшін қоқыс шығару техникасын мониторингілеуге арналған GPS-жүйесі белсенді енгізілуде. Жергілікті әкімдіктермен ынтымақтастық шеңберінде қалдықтарды басқару бағдарламалары әзірленді, бұл өңірлердің қажеттіліктерін бағалауға және инвесторларды тартуға мүмкіндік береді.

100 жаңа нысанды қоса алғанда, жаңа ҚТҚ полигондарын салу және қолданыстағы полигондарды жаңғырту жөніндегі жоспар бекітілді. Негізгі аспект мамандандырылған кәсіпорындар өз шығындарын өтей алатындай қызмет тарифтерін қайта қарау қажеттілігі болып қала береді.

Сондай-ақ, қалдықтарды дұрыс өңдеу туралы халықтың хабардарлығын арттыруға бағытталған 2024-2029 жылдарға арналған экологиялық мәдениетті дамыту тұжырымдамасы ұсынылды.

Вице-министр форумның болашақ сессияларында қалдықтарды басқару мәселелерін белсенді талқылауға үміт білдірді.

Еске салайық, Форум 3-4 қазанда өтеді, бірінші күн бағдарламасында «Қалдықтардың болашағы» пленарлық сессиясы, «Қалдықтарды басқару жүйесінің қаржылық тұрақтылығы жолында», «Тұтынушыдан қайта өңдеушіге: пластикті жинау және қайта өңдеу деңгейін қалай арттыруға болады» атты сессиялары өтеді. Екінші күні метан бойынша Екінші ұлттық форум өтеді, оның шеңберінде «Қалдықтарды жинау, сұрыптау және қайта өңдеу секторындағы инновациялық технологиялық шешімдер» технологиялық сессиясы, «Қалдықтарды басқарудың кешенді жүйесі: жергілікті деңгейде жоспарлау және іске асыру», «Өнеркәсіптік қалдықтарды орнықты басқару: нормативтер, әдістемелер және ESG тәсілдер» сессиялары жұмыс істейтін болады, Қалдықтарды басқару секторындағы ШОБ: проблемалар мен шешімдер» атты пікірталас сессиясы өтеді.