Қорғаныс министрлігінің әскери қызметшілері су тасқынына қарсы шараларға қатысуда
Батыс Қазақстан облысы әкімінің өтініші бойынша ҚР Қарулы күштері аумақтық қорғаныс бригадасының жеке құрамы су тасқынына қарсы іс-қимылға қосылды.
Күн жылып, қардың қарқынды еруі Орал – Самара жолын және облыс орталығының «Зашаған» шағын ауданындағы бірнеше үйдің су басуына әкеп соқты.
– Біздің бөлімше суға тосқауыл қою үшін қалаға көмек көрсету қажет екені туралы хабарламаға шұғыл шешім қабылдады. Кеше жұмысқа 35 әскери қызметші жұмылса, бүгін тағы да 18 адам қатарға қосылды, – деді 99250 әскери бөлімінің командирі полковник Расул Закиров.
Әскери бөлімнің жеке құрамы Төтенше жағдайлар министрлігі мен «Жайық таза қала» ЖШС бөлімшелерінің мамандарымен тығыз байланыста жұмыс істеп жатыр. Қазіргі уақытта әскери қызметшілер бөгеттер жасау үшін 2,5 мыңнан аса қап құм дайындады.
Тағыда оқыңыз
Үкіметте Қазақстан өңірлерінің су тасқынына дайындығы қаралдыШәкәрім шаңырағы – Абай елінің рухани қара шаңырағы!2023 жылғы жалпы егіс алқаптарының көлемі 23,4 млн гектарды құрайдыАБАЙ ОБЛЫСЫ: ҚАЛА МЕН АУДАН ӘКІМДЕРІНІҢ РЕЙТИНГІПартиялық тізімдерді тіркеудің, жеребе тартудың, шетелдік байқаушыларды аккредиттеудің және сайлау алдындағы үгіттің қорытындылары туралы