Астана қаласында Парламент Мәжілісінің ұйымдастыруымен шағын футболдан республикалық турнир басталды. Республика күніне орай ұйымдастырылған жарыс БАҚ өкілдері арасында өткізілуде.

Мемлекет басшысы Қасым-Жомарт Тоқаевтың бастамасымен елімізде бұқаралық спортты дамытуға ерекше көңіл бөлініп отыр. Осы дүбірлі дода – сол бастаманың жарқын көрінісі.

Турнирді Парламент Мәжілісінің депутаты Елнұр Бейсенбаев ашып, жарысқа қатысушыларды Республика күнімен құттықтады.

Дәстүрлі жарысымыз осымен үшінші мәрте өтіп жатыр. Журналистеріміз футболды жақсы көретінін жақсы білеміз. Сондықтан жыл сайын осы додаға деген қызығушылық жоғары. Біз әрдайым бұқаралық спортқа ерекше мән береміз. Осы бағытта өздеріңізбен бірлесіп, жұмыс істеуге дайынбыз. Бүгінгі турнир тартысты өтеді деп ойлаймын. Баршаңызға сәттілік серік болсын, – деді депутат Е.Бейсенбаев.

Жарысқа Шығыс Қазақстан, Жетісу, Түркістан, Қызылорда, Алматы облыстарынан, Шымкент пен Алматы қалаларынан, сондай-ақ Астанадан 20-ға жуық команда қатысты.  

Мәжіліс депутаттары мен қызметкерлері де бұқаралық спортты қолдап, журналистермен бірге доп тепті.

Турнир Қазақстан футбол федерациясының, елорда әкімдігінің қолдауымен өтті.

MAJILIS CUP – 2024 турнирінің қорытындысы бойынша мына командалар жеңіске жетті.  

I орынды  Sport+ Qazaqstan командасы,

II орынды Түркістан құрамасы,

III орынды Шымкент командасы алды.

Сонымен бірге жарыстың үздіктері де марапатталды.

Үздік сұрмерген - Сапарғали Қанат (Sport+ Qazaqstan командасы)

Үздік қақпашы - Қанат Базылхан  ("24KZ” командасы)

Үздік қорғаушы - Аят Дүйсенбаев (Алматы облысы құрамасы)

Үздік шабуылшы - Ержан Жүніс (31 телеарна командасы, Алматы қаласы)

Үздік ойыншы - Самат Есентай ("Қарекет" командасы, Жетісу облысы)

Марат Оспанов атындағы арнайы жүлде - Мұхтар Тұртайұлы ("Қазмедиа" командасы)