Абай облысында Қазақстан халқы Ассамблеясының 30 жылдығына орай этномедиация бойынша екі күндік семинар-тренинг өтті. Қатысушылар мәдениетаралық диалогтың, профилактикалық жұмыстың және толеранттылыққа тәрбиелеудің маңыздылығын ерекше атап өтті.

Семинар-тренингті өткізу үшін Абай облысына арнайы келген ҚР Президенті Әкімшілігі ҚХА Хатшылығының этномедиация мәселелері бойынша үйлестірушісі Инара Раһимзаде іс-шараларды ұйымдастыру ерекшеліктері туралы баяндап, Абай облысының этносаралық келісім саясатын жүзеге асырудағы жетістіктеріне тоқталды.

Семинар бүгін де жалғасын тапты. Этномәдени бірлестіктердің мүшелері мен өңірдің Достық үйлерінің қызметкерлері диалог форматында проблемалық мәселелерді талқылап, одан әрі даму бағыттарын бірлесіп айқындады.