Семей қаласының әкімі азаматтарды жеке қабылдады
Семей қаласының әкімі Талғат Мұратов азаматтарды жеке қабылдауын өткізді. Тұрғындар әлеуметтік көмек, жол, денсаулық, электр және сумен қамту, тұрғын үйге қатысты мәселелерді көтерді.
Кездесуге 20 адам қатысып, әр өтініш мұқият тыңдалып, түсіндіру жұмыстары жүргізілді. Нәтижесінде тиісті бөлім басшыларына тапсырмалар беріліп, әкім мәселелерді заң аясында шешуді тапсырды.
«Біз сұрақтарды дер кезінде шешіп, қала тұрғындарының өмір сапасын жақсарту үшін жұмыс істеуіміз керек. Тұрғындармен тікелей байланыс орнату – жұмысымыздың басты бөлігі», – деді Талғат Мұратов.
Әсіресе тұрғын үй мәселесіне қатысты сұрақтарға ерекше көңіл бөлінді. Себебі бүгінде тұрғындар тарапынан тұрғын үй кезегінің жылжымауы, апатты үйлер, аулаларды абаттандыру, санитарлық тазалауға қатысты көптеген арыз-шағым келіп түскен.
«Әрине, әрбір тұрғын өзінің басында шаңырағы болғанын қалайды. Бірақ, баспана кезегін шешу үшін барлығы заң аясында жүзеге асуы тиіс. Осы мәселе жөнінде тиісті бөлім басшыларымен жұмыс жасайтын боламыз», - деді әкім.
Бұл кездесу тұрғындар мен әкімдік арасындағы байланысты нығайтып, қаладағы мәселелерді тиімді шешуге бағытталған қадамдардың бірі болды.
Тағыда оқыңыз
Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына ЖолдауыМемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыАБАЙ ОБЛЫСЫ ҚАЛА МЕН АУДАН ӘКІМДЕРІНІҢ РЕЙТИНГІ