Қала әкімі Талғат Мұратов жұмыс сапары аясында Орталық саябақта болып, оның қала тұрғындарының демалуы, жалпы экологиялық мәдениет үшін маңыздылығын атап өтті.

Талғат Мұратов саябақ қала орталығындағы жасыл желекті аймақ қана емес, адамдардың басын қосатын, демалуға, отбасымен бірге уақыт өткізуге мүмкіндік беретін орын екенін айтып, одан әрі абаттандыру жөнінде талқылады.
Саябақ аумағын автокөлік тұрағына айналдырмай, қоғамдық орын ретінде дамытуды жалғастыру қажет. Сонымен қатар барлық қала тұрғындары үшін қолжетімді және ыңғайлы болуы маңызды.
Бұған дейін қала әкімі саябақтар мен қоғамдық орындардың қала тұрғындары үшін маңызды рөл атқаратынын атап өтіп, баршаны қоғамдық ортаға жауапкершілікпен қарауға шақырған болатын. Мұндай аумақтар тек демалыс орнына ғана емес, барлық жастағы қала тұрғындары үшін маңызды мәдени және экологиялық орталыққа айналуы тиіс.