Білім саласы күн сайын жаңарып отырған заманда болашағына үлкен қадам жасайтын жас түлекке алдымен мамандықты, сонан соң сол кәсіптің қыр-сырын меңгертетін жоғары оқу орнын таңдау – үлкен жауапкершілік. Ал бүгінгідей бір мамандықты бірнеше университет оқытатын жағдайда талапкерге таңдау жасау өте қиын.

Әр талапкер өзіне ұнаған мамандық­ты, болашақта  өзін-өзі асырау үшін игереді. Осы орайда сұраныстағы мамандықты қателеспей таңдау арқылы өз болашағын қамтамасыз етеді.

«Сенде бір кірпіш дүниеге, кетігін тап та бар қалан» деп қазақтың ұлы перзенті, ғұлама Абай атамыз айтқандай, әр адам осы өмірде өзінің орнын таба білу керек. Мамандық таңдау – өте жауапкершілікті және маңызды іс. Мамандық таңдауда әр талапкер өзінің қызығушылығына, қабілетіне, бейімділігіне, қалауына сүйену керек. Қазір мамандықтың түрі көп болғандықтан,таңдау жасау оңай емес. Ең бастысы – адам еңбекке қабілетті, зейінді болып, таңдаған мамандығы қоғамға бағалы үлес қосатындай болғаны дұрыс. Қоғам дамуының қазіргі заманғы тенденциялары, еңбек нарығының динамикасы мен технологиялық прогресс заманауи адамға қойылатын талаптарға айтарлықтай әсер етеді. 

Өңіріміздегі көшбасшы оқу орындарының бірі Shakarim University. Мұнда танымал профессор оқытушылар дәріс береді, заманауи жетістіктерге сай оқыту технологиясы бар, жастардың білімін жетілдіру жолында барлық жағдай жасалған. Өзінің 90 жылдық тарихында мамандарды даярлау ісінің озық жетістіктері мен заманауи білім беру үлгілерін игерген оқу орны жаһандық білім беру кеңістігінде жоғары деңгейдегі университеттер қатарында аталады.

Бір ғасырға жуық тарихы бар Шәкәрім университеті бүгінде табысты экономистер мен қаржыгерлердің, менеджерлер мен бизнесмендердің бірнеше буынын тәрбиелеп шығарған рухани білім ошағы болып отыр.

Шәкірттеріміз бен дарынды тұлғаларымыз еліміздің әр түрлі салаларында қызмет атқарып, Тәуелсіз Қазақстанның дамуына үлес қосуда.Осы уақыт аралығында мамандар даярлауда өзіндік дәстүр қалыптастырып, еліміздегі іргелі жоғары оқу орындары қатарынан лайықты орынға ие болды. 

• 6В04109 «Бухгалтерлік есеп және қаржы»;

  
  

• 6В04108 «Экономика және менеджмент»;

  
  

• 7М04116 «Бухгалтерлік есеп және қаржы»;

  
  

• 7М04115 «Экономика және басқару»;

  
  

• 7М04114 «Іскерлік әкімшілендіру (Еxecutive МВА)»

  
  

• 6B04106-Менеджмент/ Business Administration

Шәкәрім университеті Бизнес жоғары мектебі аталған мамандықтар бойынша білім алушыларға қызмет көрсетеді.

Киелі білім ордасынан небір айтулы азаматтар қанаттанды. Қазақстан Республикасының қаржы министрлігінде, Ұлттық экономика министрлігінде, Ұлттық статистика бюросында, аудиторлық компанияларда және халық шаруашылығының барлық салаларында түлектеріміз елімізді өркендету жолында қызмет атқаруда.

Искакова М.С.

Шәкәрім университеті, 

Бизнес жоғары мектебінің аға оқытушы,  PhD