Сыбайлас жемқорлыққа қарсы қызметтің Абай облысы бойынша департаменті еріктілермен, Көліктік бақылау инспекциясымен, Полицияның желілік бөлімінің қызметкерлерімен, сондай-ақ Санитарлық-эпидемиологиялық бақылау өкілдерімен бірлесіп, азаматтарға қызмет көрсету сапасын жақсарту мақсатында жеке тасымалдаушылардың жолаушылар пойыздарына мониторинг жүргізді.

Мониторинг барысында көрсетілетін қызметтердің сапасына қатысты бірнеше мәселе атап өтілді. Атап айтқанда, кей вагонда вай-файдың болмауы және жекелеген құрамдарда санитарлық тораптардың жұмыс істемеуі. Сол жерде кемшіліктерді жою бойынша ұсыныстар берілді.

Пойыз бастықтары ұсыныстарды мұқият қарап, алдағы жұмыста ескертулерді ескеруге дайын екендіктерін білдірді.

Сонымен қатар, іс-шара барысында жолаушылар тасымалы жағдайларын жақсарту және көліктегі қауіпсіздікті арттыру мәселелері талқыланды.

Департамент барлық тасымалдаушыларды «Заң мен Тәртіп» қағидатын сақтауға және жолаушылар үшін қызмет көрсету сапасының тиісті деңгейін қамтамасыз етуге, сондай-ақ азаматтар үшін қауіпсіз және қолайлы жағдай жасау үшін бақылау-қадағалау органдарымен белсенді ынтымақтастықты жалғастыруға шақырады.