Ауыл шаруашылығы министрі Айдарбек Сапаровтың төрағалығымен өткен кеңесте фитосанитариялық қауіпсіздікті қамтамасыз етудің өзекті мәселелері талқыланды.

Вице-министр Ермек Кенжеханұлы 2024 жылы шегірткелерге қарсы қорғау шаралары 3,1 млн га алқапта өткізілгенін баяндады.

Химиялық өңдеулерге 423 бірлік бүрку техникасы жұмылдырылды, 2500-ден астам адам аудандарды зерттеумен айналысты. Бұл шаралар ауыл шаруашылық дақылдарының зақымдануын және шегіртке зиянкестерінің көрші мемлекеттердің іргелес аумақтарына қоныс аударуын болдырмауға мүмкіндік берді.

Ағымдағы жылы 2,1 млн га алаңда табын шегірткелерінің таралуы болжануда, 5000 адамды тарта отырып, 38 млн га жер зерттелетін болады.

Бүрку техникасының саны 443-ке дейін артады. Жергілікті жерлерде жұмысты үйлестіру үшін барлық облыстарда жедел штабтар құрылады.

Түркістан облысында жүзеге асырылған шегіртке зиянкестерімен күресу үшін дрондарды пайдалану жөніндегі пилоттық жоба өзінің тиімділігін көрсетті. Осыған байланысты инвестициялық субсидиялау қағидаларына АӨК субъектілеріне сатып алынған агродрондар мен жер үсті бүріккіштері құнының 25% өтем алуға мүмкіндік беретін өзгерістер енгізілді. Агродрондарды "ҚазАгроҚаржы" АҚ арқылы 5% - бен ауыл шаруашылығы техникасын сатып алуға жеңілдікті лизинг бағдарламасына енгізу бойынша жұмыстар жүргізілуде.

Үкімет резерві есебінен 53 дрон, оның 7-і мониторингке, 46-сы өңдеуге, сондай-ақ инспекторлар үшін 68 көлік сатып алынды.

"Ғарыш Сапары" ҰК АҚ-мен бірлесіп FitoSpace бірыңғай автоматтандырылған ақпараттық жүйесі енгізілуде.

"Қорғаныс шараларына мұқият дайындалу керек. Аудандарды зерттеумен айналысатын адамдардың саны екі есеге артады. Олардың сапалы жұмысын істеуі үшін үйрету қажет. Мердігерлік ұйымдарда жеткілікті мөлшерде бүрку техникасы болуы керек. Мәселе ерекше бақылауда", - деді министр.

Сондай-ақ, Айдарбек Сапаров карантиндік фитосанитариялық бақылау және қадағалау саласындағы жұмыстардың қорытындыларын тыңдады: 3 879 бұзушылық анықталды, оның ішінде 1 492 карантинге жатқызылған өнім импортының бұзылуы анықталды, ластанған өнімді әкелудің 70 фактісі тоқтатылды, ҚР карантиндік фитосанитариялық талаптарының бұзылуы туралы 70 нотификация жіберілді.

ҚР-ға әкелінетін карантинге жатқызылған өнімнің карантиндік фитосанитариялық жай-күйін жедел белгілеу үшін өткізу пункттерінде жылжымалы мобильді зертханаларды пайдалануды сынақтан өткізу іске қосылды. Бұл залалданған өнімді уақтылы анықтауға және оны экспорттаушы елге қайтару бойынша жедел шаралар қабылдауға мүмкіндік береді.

Ағымдағы жылдың басынан бастап карантиндік фитосанитариялық талаптарға сай келмейтін залалданған өнімді әкелуге 21 әрекет тоқтатылды.

Ауыл шаруашылығы өнімдерінің экспортын арттыру мақсатында ҚР АШМ мен ҚХР Бас кеден басқармасы арасында бидай кебегін, арпаны, бидай ұнын, жүгеріні, бидайды, рапсты және т. б. жеткізуге 15 Хаттамаға қол қойылды. Жалпы, тізілімде 2432 кәсіпорын бар.

Кеңес соңында министр фитосанитариялық қауіпсіздікті қамтамасыз ету жөніндегі жұмысты күшейтуді тапсырды.