Абай облысына eрікті түрде қоныс аудару бағдарламасы аясында 530 адам қоныс аударды

25-02-2025, 15:50 Думан Кенжеғазыұлы

Алматы, Астана, Шымкент қалалары мен Алматы, Жетісу, Қызылорда, Жамбыл, Түркістан, Маңғыстау облыстарынан 310 адам қоныс аударды. ҚХР, Моңғолия, Түрікменстан, Өзбекстан және Ресейден 220 қандас тарихи атамекеніне оралды.

Мемлекеттік қолдау шаралары аясында 503 азаматқа көшу шығыстарын өтеу үшін бір реттік материалдық көмек көрсетіліп, 152 отбасының тұрғын үй жалдау және коммуналдық қызметтер шығындары өтелді. 112 отбасына тұрғын үй сатып алуға экономикалық ұтқырлық сертификаттары берілді. Сертификат сомасы бір отбасына тұрғын үй құнының 50 пайызы яғни 1 160 АЕК-тен аспайтын мөлшерде болады.

– Жаңа тұрғылықты жерінде ерікті түрде өңіраралық қоныс аударуды қолдау аясында мемлекеттік қолдау шаралары қарастырылған. Атап айтқанда, көшу үшін бір реттік материалдық көмек беріледі. Бұл отағасына және отбасының әрбір мүшесіне 70 АЕК құрайды. Қоныс аударушылар мен қандастарға қажет болған жағдайда техникалық және кәсіптік оқытуға, қысқа мерзімді кәсіптік оқуға жіберіледі,- деп атап өтті Абай облысының жұмыспен қамту және әлеуметтік бағдарламаларды үйлестіру басқармасының басшысы Айман Нұрлыбек.

Сонымен қатар, тұрғын үйді жалдау (жалға алу) және коммуналдық қызметтерге ақы төлеу бойынша шығыстары төленеді. Қалаға қоныс аударғандарға бір адам үшін 20 АЕК, отбасы мүшелерінің саны 2 - 4 адам болса - 25 АЕК, отбасы мүшелерінің саны бес және одан көп болған жағдайда - 30 АЕК құрайды. Ауылға көшіп келушілерге бір адамға 15 АЕК, отбасы мүшелерінің саны 2 - 4 адам болғанда 18 АЕК, отбасы мүшелерінің саны бес және одан да көп болғанда 21 АЕК төленеді.

– Республикада этникалық қазақтар-басқа елдердің азаматтары «Ата жолы» картасын ала алады. Қазақстан аумағында 10 жыл өмір сүріп, жұмыс істей алады. Карта иелері автоматты түрде тұруға рұқсат алады және көшу үшін аймақты өз бетінше таңдау мүмкіндігі бар. «Ата жолы» картасы бар этникалық қазақ басқа елдің азаматы бола отырып, Қазақстан азаматтарымен және қандастармен тең құқықтарға ие, - деп толықтырды Айман Нұрлыбек.

2025 жылы қоныс аударушылар мен қандастарды қабылдаудың өңірлік квотасы бойынша бағдарлама шеңберінде 499 адамды (244 қандас, 255 қоныс аударушы) қабылдау жоспарлануда.

Тағыда оқыңыз

Анықтама Ерікті қоныс аударушылар саны артуда Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі

Бізге ақпарат жолдаңыз Телеграмдағы каналымыз

Абай облысына eрікті түрде қоныс аудару бағдарламасы аясында 530 адам қоныс аударды

Пікірлер (0)