ҚР Парламенті Сенатының депутаттары Андрей Лукин, Марат Қожаев және Айнұр Арғынбекова екіжақты қатынастарды дамыту мақсатында Хорватия Саборының депутаттарымен кездесті.

Тараптар жүздесу барысында парламентаралық диалогты нығайтуға және халықаралық ұйымдардағы өзара іс-қимылға ерекше назар аударды. Ынтымақтастықтың қазіргі жағдайы мен келешегі де талқыға салынды. Сенаторлар Қазақстан Хорватияны Еуропалық одақтағы маңызды әріптес ретінде қарастыратынын және көптеген салалардағы ынтымақтастықты одан әрі кеңейтуге мүдделі екенін атап өтті.

Сауда және инвестиция мәселелері да назарда болды. Қазақстандық депутат біздің еліміздің туризм, фармацевтика, IT, білім беру және ауыл шаруашылығы салаларындағы әлеуетіне тоқтала келіп, өзара экономикалық іс-қимылды күшейтуге ұмтылатынын атап өтті. Екіжақты жобаларды қолдау тетіктерін дамыту және экономикалық ынтымақтастық жөніндегі үкіметаралық комиссия аясында әріптестікті тереңдету маңызды тақырыпқа айналды.

Кездесуге қатысушылар мәдени және гуманитарлық байланыстардың келешегін де талқылады. Депутаттар хорват әріптестеріне Қазақстанда жүзеге асып жатқан негізгі реформалар туралы айтты және әйелдер құқығын қорғау, жастар саясаты мен тұрмыстық зорлық-зомбылыққа қарсы күрес саласындағы реформалармен таныстырды. Тараптар кездесу соңында диалогты жалғастырудың маңыздылығын атап өтіп, Қазақстан мен Хорватия арасындағы қарым-қатынастардың одан әрі дамуына сенім білдірді.