Семей қаласында қалалық мәдениет сарайының ұйымдастыруымен ұлы композитор, күйші Нұрғиса Тілендиевтің 100 жылдығына арналған жас музыканттар байқауы өтті. Бұл шара жас өнерпаздардың шеберлігін шыңдап, олардың болашағына үлкен серпін берді.

Байқауға 30-дан астам жас талант қатысты. Олардың ішінде 17-і аспаптық орындаушылар, 15-і вокалдық өнерпаздар болды. Қазылар алқасы қатысушылардың жоғары деңгейін атап өтіп, үздіктерді таңдау оңай болмағанын айтты. 

Қалалық мәдениет сарайының директоры Жасұлан Тәжиев байқау туралы өз ойын білдірді.

Байқаудың нәтижесіне сәйкес, «Күй» номинациясы бойынша 1 орынды – Арқаш Жігер, 2 орынды – Шыңғыс Данияр, Ролланқызы Дарина, ал үшінші орынды - Ахан Гаухар, Қоқымбаева Аружан, Мырзағажы Мақпал, Исаев Ералы иеленді.

Ал «Вокал» номинациясы бойынша 1 орынды – Дәулетқанов Сұлтан Әли, 2 орынды – Кәусар Мәулен, Кәрімхан Нұрдәулет, ал үшінші орынды – Дамир Заманбек, Штерк Полина, Ғазизова Диана, Айсана Қадірғазина өзара бөлісті.

Қалалық мәдениет сарайы бұған дейін де түрлі өнер байқауларын, поэзия кештерін ұйымдастырып, көрерменнің ыстық ықыласына ие болған. Бұл байқау жас дарындардың танылуына зор мүмкіндік беріп, олардың кәсіби деңгейін көтеруге ықпал етті. Ұйымдастырушылар осындай шаралар алдағы уақытта да қалалық мәдениет бөлімінің қолдауымен жалғасатынын атап өтті.