«Қарагөз» театры республикалық байқауда топ жарды
Абай атындағы Қазақ ұлттық педагогикалық университетінде өткен «Студент және сахна» ІІІ республикалық студенттік театрлар байқауында Шәкәрім университетінің «Қарагөз» студент-жастар театры бірінші орынды иеленді.
Бұл байқау студенттердің шығармашылық қабілетін дамыту, талантты жастарды қолдау және ынталандыру, сондай-ақ жоғары оқу орындары арасындағы мәдени байланыстарды нығайту мақсатында ұйымдастырылды.
Жеңімпаз ұжымды алғашқылардың бірі болып «Семей қаласының Шәкәрім атындағы университеті» КеАҚ Басқарма төрағасы – Ректоры Думан Орынбеков құттықтады.
– Бұл жеңіс – кездейсоқтық та, сәттілік те емес, заңдылық. Бұл – талантты, өршіл жастардың жан-жақты дамуына бағытталған стратегияның жемісі. Өткен айда біздің жас менеджерлер интеллектуалдық Хакатонда жеңіске жетсе, бүгін студенттеріміз үздік атанды. Интеллект пен мәдениет – болашақтың ажырамас негізі. Shakarim University – жастар өздерін жүзеге асыратын орта. Біз жағдай жасаймыз, мүмкіндік береміз, ең бастысы – біздің студенттер өз идеялары мен жобалары үшін жауапкершілік алуға дайын, – деді Думан Орынбеков.
Бұл жеңіс – Шәкәрім университетінің студенттік өнері мен мәдениетін дамытудың жоғары деңгейде екенін тағы бір мәрте дәлелдеді.
Тағыда оқыңыз
Қасым-Жомарт Тоқаев: «Мақсатым – экономиканы және егемендікті нығайту»Шәкәрім шаңырағы – Абай елінің рухани қара шаңырағы!Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіShakarim University ректоры Думан Орынбековпен сұхбатМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы