Жасанды интеллектті тегін оқып, АҚШ-қа жолдама ұтып ал

Абай облысының жастары жасанды интеллект негіздерін тегін оқуға мүмкіндік алады. Болашақтың технологиясын менгеруге бағытталған «Assyl AI» жобасына өңірдегі барлық колледж және университет студенттері қатыса алады. Оқуды Бостондағы жетекші университеттерді тәмамдаған қазақстандық түлектер өткізеді.
«Жасанды интеллект (ЖИ) негіздері» оқу бағдарламасының мақсаты – жастардың цифрлық сауаттылығын арттыру, инновациялық ойлау қабілетін дамыту және кәсіпкерлік экожүйесін қалыптастыру. Бағдарлама аясында 100 дарынды студентті оқыту жоспарлануда. Сондай-ақ интерактивті оқыту, тәжірибелік жобалар және менторлық бағдарлама әзірленуде.
Сонымен қатар бағдарлама аясында қатысушылар хакатонда бизнес-кейстер мен нақты тапсырмаларды шешіп, үздік идеялар мен жобалар таңдалады. Сондай-ақ, перспективалы жобаларға мини-гранттар беріледі, олар қаржылық қолдау алады.
Бағдарлама қорытындысы бойынша бас жүлде жеңімпаздары Массачусетс Технологиялық Институтына білім сапарымен жіберіледі. Сапар барысында олар әлемдік деңгейдегі технологиялық компанияларды көруге мүмкіндік алады.
«Assyl AI» жобасы ASSYLTAS қоғамдық қорының қолдауымен жүзеге асады.
Толық ақпарат: instagram.com/assyl.ai.team