Абай облысының әкімі Берік Уәли Бесқарағай ауылындағы 300 орындық жаңа мектептің құрылысымен танысты. 

Бұл білім ордасы «Жайлы мектеп» бағдарламасы аясында бой көтергенімен, оқу процесі әлі басталған жоқ. Себеп – электрмен жабдықтауға қатысты шешілмеген мәселелер. 

Осыған байланысты нысанға тапсырыс беруші «Samruk Kazyna Construction» АҚ ғимаратты жергілікті атқарушы органдардың балансына өткізбей отыр.

Жергілікті билік пен мердігер арасындағы байланыстың әлсіздігі – осы жағдайдың негізгі себептерінің бірі.

Аймақ басшысы мәселені қатаң бақылауға алып, Құрылыс басқармасының басшысына апта сайын есеп беруді тапсырды. 

Сонымен қатар, тапсырыс беруші компанияға нысанды барлық талаптарға сай қабылдап алуды міндеттеді.

Бесқарағайдағы мектептің тағдыры – жергілікті билік үшін үлкен сын.