Ауыл теміржолдық шекаралық бақылау бөлімшесі

2025 жылдың 7 ақпанында Қазақстан Республикасынан Ресей Федерациясына жолаушылар пойызымен кетіп бара жатқан Моңғолия азаматы Н.М.С. анықталды.

Себеп: Қазақстан Республикасының азаматы М.С. атына тіркелген жалған құжатпен шекараны кесіп өтпек болған.

Қабылданған шаралар: Шекаралық бақылау пунктінде режим бұзғаны үшін жауапқа тартылды, ҚР Мемлекеттік шекарасы арқылы өткізуге рұқсат етілмеді.

Жезкент шекаралық бақылау бөлімшесі (автомобильдік)

2025 жылдың 10 ақпанында Қазақстан Республикасынан Ресей Федерациясына автокөлікпен кетіп бара жатқан Ресей азаматы А.К.Н. ұсталды.

Себеп: Жеке заттарын тексеру барысында 11 000 АҚШ доллары (5 647 180 теңге) табылды.

Қабылданған шаралар: ҚР Президентінің 2022 жылғы 14 наурыздағы №830 «Қаржылық тұрақтылықты қамтамасыз ету шаралары туралы» Жарлығына сәйкес, ҚР Мемлекеттік шекарасы арқылы өткізуге рұқсат етілмеді.

Ауыл шекаралық бақылау бөлімшесі (автомобильдік)

2025 жылдың 12 ақпанында Қазақстаннан Ресейге «Lexus» маркалы автокөлікпен кетіп бара жатқан Қырғызстан азаматы А.К.К. ұсталды.

Себеп: 80 000 АҚШ долларын (40 480 000 теңге) заңсыз алып өтпек болған.

Қабылданған шаралар: ҚР Мемлекеттік шекарасы арқылы өткізуге рұқсат етілмеді.

Ауыл шекаралық бақылау бөлімшесі (теміржолдық)

2025 жылдың 13 ақпанында Новосибирск – Алматы бағытындағы жолаушылар пойызымен келе жатқан Ресей азаматы М.В.В. анықталды.

Себеп: Қос азаматтығы бар болып шықты (жүк тексеру барысында ҚР азаматы В.В.В. атына берілген төлқұжат табылды).

Қабылданған шаралар: ҚР Мемлекеттік шекарасы арқылы өткізілді, Бородулиха аудандық полиция бөлімінің көші-қон қызметі инспекторына тапсырылды.

Ауыл шекаралық бақылау бөлімшесі (автомобильдік)

2025 жылдың 13 ақпанында Қазақстаннан Ресейге «ГАЗ» маркалы жүк көлігімен кетіп бара жатқан ҚР азаматы А.Б.А. ұсталды.

Себеп: ҚР аумағынан сұйытылған газды (пропан, бутан) автомобиль және теміржол көлігімен шығаруға тыйым салынғанына қарамастан, жалпы құны 1 250 000 теңге болатын 250 қорап «портативті құрылғыларға арналған әмбебап газ» алып өтпек болған.

Қабылданған шаралар: ҚР Мемлекеттік шекарасы арқылы өткізуге рұқсат етілмеді.

Ауыл шекаралық бақылау бөлімшесі (автомобильдік)

2025 жылдың 12 ақпанында қызметтік ит «Тульдина» көмегімен Ресей азаматы С.Д.А. ұсталды.

Себеп: Жеке заттарын тексеру барысында есірткі заттары табылды.

Қабылданған шаралар: Бородулиха аудандық полиция бөліміне тапсырылды.

Ауыл шекаралық бақылау бөлімшесі (автомобильдік)

2025 жылдың 13 ақпанында «Тосқауыл» жедел-алдын алу шарасы аясында қызметтік ит «Тульдина», тексеру фонары және айналар көмегімен Ресей азаматы Б.А.М. ұсталды.

Себеп: Көлік салонын тексеру барысында өсімдік тектес есірткі заттары табылды.

Қабылданған шаралар: Бородулиха аудандық полиция бөліміне тапсырылды.