2025 жылдың 17 наурызында Қазақстан Республикасы Ғылым және жоғары білім министрлігінің ресми бұйрығымен «Семей қаласының Шәкәрім атындағы университеті» КеАҚ деп аталып келген білім ордасы  Shakarim University болып бекітілді. Қазіргі уақытта барлық дереккөздер жағартылып, рембрендинг процесі іске асуда.

Университет өзінің ребрендинг жасауын – білім беру нарығында табысты болуға ұмтылу, бәсекеге бейімделу және әлемнің жетекші жоғары оқу орындарымен әріптестікті дамытуға жасалған қадам деп түсіндіреді.

Shakarim University Қазақстанның инновациялық дамуын кадрлық және ғылыми қамтамасыз етуге бағытталған көпсалалы орталық, ол — білім беру және ғылыми қызметтердің сапасы халықаралық стандарттар деңгейіне сәйкес келуін қамтамасыз ету және оның әлемдік білім беру мен ғылым интеграциясына негізделген қызметін жаңарту мақсатында құрылған. Университет — кадрларды даярлаудың кең спектрі бойынша жоғары және жоғары оқу орнынан кейінгі білім беру бағдарламаларын жүзеге асыратын; басым бағыттар бойынша қолданбалы ғылыми зерттеулермен айналысатын; жастар тәрбиесі және жастар саясаты әлеуметтануы саласындағы жетекші ғылыми-әдістемелік орталық.

Білім ордасының маңызды қағидаттары — білімнің іргелілігі мен сапасы, білім мен ғылымның үздіксіздігі мен сабақтастығы, қоғам мен мемлекет үшін пайдалылығы, университеттің қазақстандық және әлемдік білім беру кеңістігінде интеграциялануы.Университеттің ғылыми әлеуеті сандық және сапалық жағынан да ұдайы артып келеді.

Университетте халықаралық және мемлекеттік ғылыми-зерттеу жобалары табысты жүзеге асырылуда. Shakarim University биылғы жылы BETT SHOW - 2025: «Білім беру технологиялары» саласындағы жыл көрмесіне қатысуы халықаралық деңгейге шығу, жетекші білім беру мекемелерімен байланыс орнату және өңірлердегі жоғары оқу орындарының алдында тұрған өзекті мәселелерге шешімдер іздеуге  мүмкіндік береді.Bett  миссиясы – оқытушылар мен білім алушылардың өз әлеуетін жүзеге асыруы үшін адамдарды, идеяларды, тәжірибелерді және технологияларды біріктіру.

Оқыту үдерісінде осындай ғылым мен білім, инновацияның жетістіктерін,жасанды интеллект, виртуалды шындық және интерактивті оқыту платформаларын қолдану білім алушылардың кәсіби деңгейін көтеруге ықпал етеді.

Shakarim University көптеген жылдар бойы халықаралық серіктестерімен бірлесіп ғылыми жобаларды әзірлеу, студенттерді халықаралық тәжірибеден өткізу бағытында байланыстар орнатып келеді. Аймақты тұрақты дамытуға бағытталған білім беру бағдарламаларына басымдық беруде.

Қазіргі таңда Бизнес жоғары мектебі нарықта сұранысқа ие мамандарды даярлауды жүзеге асыратын университеттің жетекші бөлімшелерінің біріне айналды. Білім мен ғылымды ұштастыра отырып, тәрбие беру негізгі міндетіміз. Білім алушылар республикалық және халықаралық олимпиадалардың жүлдегерлері.Бизнес жоғары мектебінің БУФ 201 тобы студенттері Есенгельди Эльнора, Максутова Әсел, Мырзахметова Дильназ Польша мемлекеті Быдгощь Экономика университетінде академиялық ұтқырлық бағдарламасы бойынша білім алуда.

Университетте сапалы білім алғысы келетін әрбір студент үшін бірқатар лайықты мүмкіндіктер бар.Профессорлық-оқытушылар құрамы да ел болашағы болар жас мамандарды әрқашан қолдауға дайын.

Бизнес жоғары мектебінің аға оқытушылары

Искакова М.С.,PhD

Габдуллина Л.Б.,PhD