Ашхабадта климаттың өзгеруі жөніндегі 7-ші Орталық Азия конференциясы өтуде. Конференция аясында Қазақстанның Экология және табиғи ресурстар министрлігі Орталық Азия үшін климаттың өзгеруі және жасыл энергетика жобалық кеңсесімен бірлесіп, 2026 жылы Өңірлік климаттық саммитке дайындық бойынша үшінші өңірлік консультация өткізді.

Іс-шара Орталық Азия елдерінен, халықаралық ұйымдардан, ғылыми қоғамдастықтан және азаматтық сектордан мемлекеттік органдардың өкілдерін жинады. Консультация «Орталық Азиядағы климаттық тәуекелдер: бағалау және ден қою тетіктері» тақырыбында өтті және бейімделу мен орнықты дамуға өңірлік көзқарасты қалыптастырудағы кезекті маңызды кезең болды.

Ашылу салтанатында Қазақстан Республикасының Экология және табиғи ресурстар вице-министрі М.Ошурбаев сөз сөйледі. Сондай-ақ, қатысушылар алдында Қазақстан Республикасы Парламенті Мәжілісінің депутаты Е. Жаңғыршин сөз алды.

Іс-шара барысында Жобалық кеңсенің өкілі Саммит өткізу жөніндегі пайымды, сондай-ақ бірінші және екінші консультацияның қорытындыларын ұсынды.

Аймақтағы климаттық тәуекелдерге ғылыми талдау жасаған Потсдам климатқа әсер етуді зерттеу институтының (PIK) тұсаукесеріне ерекше назар аударылды.

Панельдік талқылау барысында талқыланды:

- аймақ үшін жалпы климаттық қауіптер;

- шығындар мен залалдарға әрекет етудің болашақ өңірлік тетігінің элементтері;

- климаттық қаржыландыру құралдары және ғылыми кооперация мүмкіндіктері.

Келесі өңірлік консультация ағымдағы жылдың мамыр айының соңында Тәжікстанның Душанбе қаласында мұздықтарды сақтау жөніндегі жоғары деңгейдегі халықаралық конференция шеңберінде өтеді және ғылым мен климаттың өзара іс-қимылы мәселелеріне арналады.