«Бесқарағайдың інжу-маржанын сақтайық» экологиялық акциясы өтті
Бесқарағай ауданында табиғатты қорғауға және экологиялық мәдениетті қалыптастыруға бағытталған игі шаралар жалғасын табуда. Атап айтқанда, Шипалы көлдің жағасында «Бесқарағайдың інжу-маржанын сақтайық» атты экологиялық акция ұйымдастырылды.
Акцияның негізгі мақсаты — Шипалы көлдің жағалауын қоқыстан тазартып, оның табиғи сұлулығын сақтау, сондай-ақ тұрғындар арасында экологиялық сана-сезімді арттыру.
Іс-шара аясында Бесқарағай ауданы жастар ресурстық орталығының директоры Арыстан Сабыров экологиялық акцияның маңыздылығына тоқтала өтті.
- Табиғатты аялау — әрбір азаматтың ортақ міндеті. Бұл көлдер — біздің ауданымыздың ғана емес, еліміздің табиғи байлығы. Мұндай шаралар жастардың экологиялық мәдениетін қалыптастыруда, олардың туған өлкені сүюіне және жауапкершілікпен қарауына жол ашады. Алдағы уақытта да осындай бастамаларды тұрақты түрде жалғастырамыз. Бұл тек бір күндік акция емес, бұл — жалғасуы тиіс құндылық, — деді спикер.
Акцияға ауданның белсенді еріктілері, жастар ұйымдары, оның ішінде «Жасыл ел» еңбек жасағының мүшелері қатысты. Жалпы саны 30-ға жуық адам жұмылдырылып, табиғат аясындағы тазалық пен тәртіпке үлес қосты.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына ЖолдауыҚасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы