«2019 жылдан бастап жыл сайын 9 шілде күні республика деңгейінде су шаруашылығы қызметкерлері күнін атап өту дәстүрге айналды. Мемлекет басшысы ирригация жүйелері және жалпы су шаруашылығының дамуына баса назар аударып, саланы дамытудың маңызды екенін бірнеше рет айтып өтті. Арнайы министрлік құрылды. Байтақ даламызда күні-түні кезекшілікте тұрып, су саласына қалтқысыз қызмет еткен мыңдаған жұмысшының еңбегі елеусіз емес. Еліміздің су қауіпсіздігін қамтамасыз ету жолында сіңіріп жатқан табанды әрі жанқияр еңбектеріңіз ерекше құрмет пен алғысқа лайық деп есептейміз. Су шаруашылығы саласының болашағы жұмысшылардың қажырлы еңбегімен құрылып келеді. Елді мекендер, егістік алқаптары мен өнеркәсіп нысандары тіршілік нәрімен қамтамасыз етіліп отыр. Сіздерді үлкен марапатпен шын жүректен құттықтаймын», – деді облыс әкімі.