«Азық-түлік келісімшарт корпорациясы» ҰК» АҚ 2024 жылдың жазында орналастырылған қысқа мерзімді облигациялар бойынша төлемдерді аяқтады. Өтем жалпы сомасы 14 млрд теңгені құрады, оның 13 млрд - негізгі қарыз, тағы 1 млрд - купондық сыйақы.

«Қысқа мерзімді облигацияларды пайдалану біздің астық трейдері ретіндегі қызметіміздің айналым цикліне сәйкес келеді, сондай-ақ Ұлттық банктің базалық мөлшерлемесі және борыштық нарықтың нарықтық мөлшерлемесі төмендеген жағдайда купон бойынша шығыстарды оңтайландыруға мүмкіндік береді. Мұндай қаржы құралы өзінің жоғары өтімділігінің арқасында инвесторлар үшін тартымды», - деп атап өтті басқарушы директор, «Азық-түлік келісімшарт корпорациясы» ҰК» АҚ Ильдар Исмагулов.

Тартылған қаражат астықпен операциялар жүргізу үшін айналым капиталын толықтыруға бағытталды, сондай-ақ ауыл шаруашылығы өндірушілерін форвардтық қаржыландыру үшін ішінара пайдаланылды.

Төлемдер аяқталғаннан кейін корпорацияның қарыз жүктемесінің деңгейі ыңғайлы мәнге дейін төмендеді - қаржылық левередж коэффициенті 1-ден азды құрады.

Азық-түлік келісімшарт корпорациясы Қазақстанның агроөнеркәсіптік кешеніне, оның ішінде қаржы құралдарының кең спектрін қолдану есебінен жүйелі қолдау көрсете отырып, тұрақты даму стратегиясын ұстануды жалғастыруда.