ҚХА жастары арасында республикалық Абай оқулары өтті

Бүгін, 10:27 Думан Кенжеғазыұлы

Абай облысында Абай Құнанбайұлының 180 жылдығы мен Қазақстан халқы Ассамблеясының 30 жылдығына орай республикалық «Абай оқулары» кең ауқымды іс-шаралар легі өз мәресіне жетті. Еліміздің түкпір-түкпірінен келген 40-қа жуық жас, түрлі этнос өкілдері киелі Абай жерінде бас қосып, жас ұрпақты достық пен рухани құндылықтарға баулыған мазмұнды бағдарламаға қатысты.

Фестиваль аясында жастар Жидебайдағы Абай-Шәкәрім кесенелеріне, Күшікбай батыр мазарына, Мұхтар Әуезовтің туған жері Бөріліге барып, викториналарға, зияткерлік кездесулер мен мәдени шараларға қатысты. Дәстүр мен тарихқа негізделген рухани саяхат әрбір қатысушыға ұмытылмас әсер сыйлады.

Шара соңында қатысушылар ұлы ақынның рухына тағзым етіп, Абай музейі аумағында орналасқан «Абай және ұлдары» ескерткішіне гүл шоқтарын қойды. Салтанатты рәсімде сөз сөйлеген Абай облысы Ішкі саясат басқармасының басшысы Жарқын Жұмаділов Абай мұрасының жастар арасында насихатталуы туралы айтып өтті.

– Құрметті жастар, Сіздерді дана Абайдың туған топырағында қарсы алу – біз үшін зор мәртебе. Мемлекет басшысы жастарды қолдауды үнемі басым бағыт ретінде айтып келеді. Осы ретте біз жастарға Абайдың даналығын, ой тереңдігін және адамгершілік қағидаттарын кеңінен түсіндіруді мақсат еттік. Сіздер осы оқулар арқылы еліміздің әр өңірінен келгендер арасынан жаңа достар тауып, рухани азық алдыңыздар деп сенемін. Қатысуға келген әрқайсыңызға облыс әкімінің атынан шынайы алғысымды білдіремін, – деді басқарма басшысы.

Қазақстан халқы Ассамблеясының атынан сөз алған «Ассамблея жастары» РҚБ төрағасы Тимур Жұмұрбаев Абай мұрасының қазіргі қоғамдағы маңызына тоқталды.

– Бүгінгі жастар Абай шығармашылығына қызығушылықпен қарап, оның идеяларын заманауи тұрғыда түсінуге тырысуда. Бұл – еліміздің рухани жаңғыруының нақты көрінісі. Абайдың ойлары – ұлт бірлігінің тірегі. Жастардың осы жолда бас қосуы – үлкен мәнге ие, – деді ол.

Шара барысында Қазақстан халқы Ассамблеясы төрағасының орынбасары Марат Әзілхановтың арнайы құттықтау хаты оқылды. Хатта ойшыл мұрасын насихаттаудың ел болашағы үшін маңыздылығы атап өтілді.

Тағыда оқыңыз

ҚХА жастары арасында республикалық Абай оқулары өтті Мемлекет басшысы Қасым-Жомарт Тоқаевтың Қазақстан халқы Ассамблеясының ХХХІV сессиясында сөйлеген сөзі Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзі Қасым-Жомарт Тоқаев: «Мақсатым – экономиканы және егемендікті нығайту»Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі

Бізге ақпарат жолдаңыз Телеграмдағы каналымыз

ҚХА жастары арасында республикалық Абай оқулары өтті

Пікірлер (0)