2025 жылғы 21–22 шілде аралығында Астанада шахталық метан шығарындыларын реттеу жөніндегі семинар өтуде. Іс-шараны Қазақстан Республикасының Экология және табиғи ресурстар министрлігі Clean Air Task Force және БҰҰ-ның Еуропалық экономикалық комиссиясымен бірлесе ұйымдастыруда.

Семинар аясында Қазақстанның шахталық метан бойынша саясаты, шығарындыларды мониторингтеу және кәдеге жарату технологиялары, халықаралық тәжірибе мен қаржыландыру тетіктері таныстырылуда. Шараға көмір өнеркәсібінің өкілдері, мемлекеттік органдар мен халықаралық сарапшылар қатысуда.

23 шілде күні ұлттық және халықаралық делегаттардың «Qarmet» АҚ-ның Көмір департаментіне және Абылқас Сагинов атындағы Қарағанды техникалық университетінің Метан энергетикасы зертханасына сапары жоспарланған. Сапар барысында дегазация тәжірибелері мен ғылыми әзірлемелермен танысу көзделген.