Жыл соңына дейін өңір жолдарының 70%-ы жөнделеді

31-07-2025, 09:45 Думан Кенжеғазыұлы

Облыста республикалық маңызы бар автомобиль жолдарының жалпы ұзындығы 2 176 шақырымды құрайды. Оның ішінде 1 592 шақырым жол «ҚазАвтоЖол» ҰК» АҚ Абай облыстық филиалының қарауында. Бұл туралы Өңірлік коммуникациялар қызметінде өткен баспасөз мәслихатында аталған филиал директоры Айбек Ануарбеков баяндады.

— Қазіргі таңда өңірде 250 шақырым жолда орташа жөндеу жүріп жатыр. Бұл учаскелерге «Семей – Қайнар», «Семей – Барнаул», «Қарағанды – Аягөз – Тарбағатай – Бұғаз» және тағы да басқа бағыттар кіреді, — деді филиал басшысы.

Сонымен қатар, 584 шақырым жолда қайта жаңарту жұмыстары қолға алынған. Атап айтқанда, бұл — «Қалбатау – Майқапшағай» және «Талдықорған – Қалбатау – Өскемен» бағыттары.

Спикердің айтуынша, алдағы жылдары Қазақстан Даму Банкі қаржысымен ұзындығы 522 шақырым болатын қосымша жолдар жаңғыртылады.

Айбек Ануарбеков жол қозғалысы қауіпсіздігін арттыруға бағытталған жұмыстар туралы да атап өтті.

— Жол бойына 14 мамандандырылған автоматтандырылған өлшеу құралы (МАӨҚ) орнатылады. Сондай-ақ, Қалбатау, Аршалы, Үржар ауылдары мен Семей қаласында 4 шатыр, Қызыл-Кесік ауылында 1 ангар салынуда. Ауыспалы ақпараттық таблолар да орнатылып жатыр, — деді ол.

Қолға алынған шаралар жол сапасын жақсартып, көлік қозғалысының қауіпсіздігі мен жайлылығын қамтамасыз етуге бағытталған.

Тағыда оқыңыз

Биыл жол жөндеу және құрылыс жұмыстары 12 мың шақырымды қамтиды Курчатов қалалық мәслихатының депутаттығына бірмандаттық округ бойынша кімдер ұсынылды?Қазақстандық ЖЭО-лардың қоймаларында 4 млн тонна көмір және 85 мың тонна мазут жиналған Мемлекет басшысы Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауы Мемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзі

Бізге ақпарат жолдаңыз Телеграмдағы каналымыз

Жыл соңына дейін өңір жолдарының 70%-ы жөнделеді

Пікірлер (0)