Отбасы жылулығының бала үшін маңыздылығы
Отбасы – ұлттың басты құндылығы. Бұл бағытта отбасындағы өзара сыйластық пен жылулықтың маңызы ерекше. Осы тақырыпқа қатысты ой-пікірін Абай облысының Өңірлік коммуникациялар қызметі ұйымдастырған сұхбат барысында «Семейділ» қоғамдық қорының директоры Зере Кәменқызы жеткізді.
– Отбасы – адам баласының ең бірінші мектебі. Ол жерден біз мейірімділікті, сыйластықты, қамқорлықты үйренеміз. Мен үшін отбасы жылуы – анамның бауырсақ пісірген кездегі иісімен, ауылдағы самал желдің әуенімен, әкемнің ақылға толы сабырлы үнімен есте қалады. Әр шаңырақтағы мейірім мен махаббат – баланың бойына өмірлік азық болып сіңеді, - деп атап өтті спикер.
«Әже – ұлттың алтын қазығы» дегендей, спикердің айтуынша, немерелермен жылы қарым-қатынас орнатып, олардың тәрбиесіне мейірім мен даналық арқылы үлес қосу – аса маңызды.
– Әже мен немере арасындағы байланыс – ұрпақ сабақтастығының өзегі. Мен немерелеріме ертегі айтып, қазақы салт-дәстүрді түсіндіріп отыруға тырысамын. Өйткені ертегі тыңдаған бала қиялы бай, тілі орамды, жүрегі жұмсақ болып өседі. Әже берген тәрбие – ананың да, мектептің де тәрбиесіне қосымша рухани тірек, - деп түйіндеді «Семейділ» қоғамдық қорының директоры Зере Кәменқызы.
Тағыда оқыңыз
Мемлекет басшысы Қасым-Жомарт Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзіМемлекет басшысы Қасым-Жомарт Тоқаевтың Ұлттық құрылтайдың төртінші отырысында сөйлеген сөзіҚасым-Жомарт Тоқаев: «Мақсатым – экономиканы және егемендікті нығайту»Қасым-Жомарт Тоқаев: Біз озық ойлы ұлт ретінде тек қана алға қарауымыз керекМемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы