Облыс әкімі Берік Уәлидің төрағалығымен өткен жиында алдағы жылыту маусымына дайындық және халықты ауызсумен қамту мәселелері қаралды. Отырысқа облыстық басқарма басшылары, көмір тасымалдаумен айналысатын мекеме өкілдері, аудан және қала әкімдері бейнережимде қатысты.

Энергетика және тұрғын үй-коммуналдық шаруашылығы, денсаулық сақтау, білім басқармалары басшылары мен барлық аудан-қала әкімдері аймақ басшысына жылумен, сумен қамту бойынша ахуалды баяндап, есеп берді.

Аймақ басшысы жиында кемшіліктерге жол берген аудан әкімдері мен тиісті басқармалардың жұмысын сынға алып, осы бағыттағы жұмысты ширату бойынша нақты тапсырмалар берді. Жылыту маусымына дайындықты күшейтіп, тұрғындарды ауыз сумен қамту бойынша жүзеге асырылып жатқан жобаларды кестеден кешіктірмей аяқтау қажеттігін айтты.