Елімізде ауқымды жоба – республикалық «JARQYRA» кастингі басталады. Іріктеу 15 қыркүйек күні сағат 11:00-ден 19:00-ге дейін бірдей Қазақстанның 19 қаласында, мәдениет мекемелерінің базасында өтеді.

Жобаның мақсаты – аймақтардағы таланттарды анықтап, оларды отандық киноиндустрияға тарту. Кастингтен сәтті өткен қатысушылар Орталықтың актерлік базасына енгізіліп, болашақ кино жобаларға қатысуға үміткер бола алады.

Іріктелген кандидаттардың деректері Орталықтың ресми сайты www.kazakhcinema.kz порталындағы онлайн актерлік базасына тіркеледі. Бұл платформа жаңа есімдерді іздеп жүрген продюсерлер мен кинокомпанияларға қолжетімді болмақ.

Мұндай жобалар Мемлекет басшысының мәдени саясатты жаңғырту жөніндегі тапсырмаларын орындау аясында жүзеге асып, Мәдениет және ақпарат министрі Аида Балаеваның жүйелі басшылығымен жалғасып келеді.