Абай гарнизонындағы 28738 әскери бөлімінде Отан алдындағы борышын абыроймен өтеген сарбаздарды шығарып салу салтанатты жиыны өтті. Шара Қазақстан Республикасының Мемлекеттік әнұранымен басталып, сарбаздардың жауынгерлік тумен қоштасуымен жалғасты. Бұл — әрбір жауынгер үшін аса маңызды әрі толғанысты сәт.

Салтанатты жиынға әскери бөлім командирі, полковник Абылай Шілдебаев қатысып, өз құттықтау сөзін арнады. Ол сарбаздарға алғысын білдіріп, азаматтық өмірлерінде табыс тіледі.

Әскери бөлімнің жеке құрамы сап түзеп, әскери тәртіптің үлгісін көрсетті. Шара барысында борышын өтеген сарбаздар да сөз алып, алғыстарын білдірді.

Салтанатты рәсім соңында сарбаздарға естелік сыйлықтар табысталып, болашақ өмірлеріне сәттілік тілеген ақ тілектер айтылды.

Осылайша, ел қорғаған ерлер өз борыштарын орындап, туған жерлеріне оралды. Олардың әрқайсысы Отан алдындағы парызын өтеп, нағыз ерлік пен тәртіптің үлгісін көрсетті.

Абай өңірлік гарнизонының баспасөз қызметі