Қызылорда облысында өткен IV «Абысын-Ажын» республикалық байқауында «Қазақ аналары – дәстүрге жол» республикалық қоғамдық бірлестігінің Аягөз аудандық филиалы жүлделі ІІІ орынды иеленді.

Ұлттық құндылықтарды дәріптеу, аналар арасындағы бірлікті нығайту және қазақтың дәстүрлі тәрбиесін жаңғырту мақсатында ұйымдастырылған бұл байқауға еліміздің түкпір-түкпірінен келген қатысушылар өз өнерін, даналығын және бірлік пен ізгілікке негізделген ұстанымдарын көрсетті.

Аягөз аудандық филиалының мүшелері байқауда жоғары ұйымшылдық пен шығармашылық шеберліктің үлгісін көрсетіп, ұлттық салт-дәстүр мен отбасылық құндылықтардың маңызын терең насихаттады. Қатысушылардың сахналық көріністері мен ұлттық киім үлгілері, тәрбиелік мазмұндағы қойылымдары қазылар алқасының жоғары бағасына ие болды.