Құрметті жерлестер!
Сіздерді 1 мамыр – Қазақстан халқының бірлігі күнімен шын жүректен құттықтаймын!

Бұл мереке – бейбітшілік пен келісімнің, татулық пен өзара түсіністіктің символы.
Бірлік – біздің елдігіміздің өзегі, мемлекетіміздің тұрақтылығы мен дамуының кепілі. Еліміздегі түрлі ұлт пен ұлыс өкілдерінің татулығы – Тәуелсіз Қазақстанның ең басты байлығы.

Біз барлығымыз — бір шаңырақ астында, ортақ мақсат пен ортақ мүдде жолында бірлесіп еңбек етіп келеміз. Әр ұлттың тілі мен мәдениеті, дәстүрі мен өнері – еліміздің рухани байлығын арттырып, ұрпаққа өнеге болуда.

Бүгінгі Қазақстанның жетістігі – барша азаматтардың бірлігінің және елге деген адал қызметінің жемісі. Осы татулық пен ынтымақты сақтау – бәріміздің ортақ міндетіміз.

Осы тамаша мереке күні Сіздерге және отбасыларыңызға зор денсаулық, амандық, мол бақыт пен береке тілеймін!
Бірлігіміз бекем, елдігіміз мәңгі болсын!

Ізгі тілекпен,
Жаңасемей ауданының әкімі
Алмас Тәнібекұлы