ҚР Парламент Сенатының депутаттары «QazIndustry» Қазақстандық индустрия және экспорт орталығы» АҚ-да болып, компанияның қызметімен танысты. Онда өнеркәсіптік-инновациялық қызмет субъектілеріне мемлекеттік қолдау көрсету мәселелері талқыланды.

QazIndustry өңдеуші өнеркәсіпті және еліміз ішіндегі құндылықты дамыту жөніндегі ұлттық институттың функцияларын орындайды, сондай-ақ өндірістік сектордың бәсекеге қабілеттілігін арттыруға жәрдемдеседі.

Сенаторлар кездесу барысында өңірлердегі арнайы экономикалық және индустриялық аймақтардың ағымдағы жағдайына және олардың дамуына кедергі келтіретін мәселелерге ерекше назар аударды. Сондай-ақ, мемлекеттік қолдау жөніндегі іс жүзіндегі шаралармен қоса шағын және орта бизнес саласындағы заңнаманы жетілдірудің өзекті мәселелері қаралды.

Депутаттар отырыста айтылған ұсыныстар мен өзекті мәселелер заңнаманы жетілдіру жөніндегі кейінгі жұмыс барысында ескерілетінін атап өтті.