Көкпекті ауданы әкімінің орынбасары Аслан Танысбаевтың төрағалығымен құқық бұзушылықтың алдын алу жөніндегі ведомствоаралық комиссияның отырысы ұйымдастырылды. Отырысқа тиісті мемлекеттік органдар мен мекемелердің өкілдері қатысты.

Күн тәртібінде басты назар әйелдерді зорлық-зомбылықтан қорғау және әйелдерге қатысты кемсітушіліктің барлық нысандарын жою мәселесіне аударылды. Комиссия мүшелері аталған бағытта аудан көлемінде атқарылып жатқан жұмыстарды баяндап, қоғамдағы гендерлік теңдікті қамтамасыз ету, әйелдердің құқықтарын қорғау және отбасылық құндылықтарды нығайту бойынша тиімді шараларды талқылады.

Жиын барысында нақты ұсыныстар мен іс-шаралар бекітіліп, алдағы уақытта құқық бұзушылықтың алдын алу жұмыстарының тиімділігін арттыруға бағытталған нақты тапсырмалар берілді. Сонымен қатар, комиссия мүшелері әлеуметтік қызметтер мен құқық қорғау органдарының бірлескен жұмысының үйлесімділігін күшейту, азаматтар арасында құқықтық білім мен ақпараттық түсіндіру жұмыстарын белсенді жүргізу қажеттігін атап өтті.

Отырыстың қорытындысы бойынша комиссия қатысушылары алдағы кезеңде әйелдердің құқықтарын қорғау және отбасылық қауіпсіздікті қамтамасыз ету шараларын жүйелі түрде жалғастыруға міндеттелді. Бұл іс-шара аудан тұрғындарының қауіпсіздігін арттыруға және әлеуметтік тұрақтылықты қамтамасыз етуге бағытталған маңызды қадам болып отыр.