Бүгін Көкпекті ауданында әлеуметтік сала қызметкерлерінің кәсіби мерекесі қарсаңында салтанатты марапаттау рәсімі ұйымдастырылды.

Іс-шараға аудан әкімінің міндетін атқарушы Аслан Танысбаев, әлеуметтік сала қызметкерлері, мекеме басшылары және мүдделі тұлғалар қатысты.

Салтанатты жиында Аслан Танысбаев әлеуметтік сала қызметкерлерін кәсіби мерекелерімен құттықтап, ауданның әлеуметтік дамуына қосқан зор үлестері үшін алғысын білдірді. Ол өз сөзінде қызметкерлердің адамгершілік пен қамқорлыққа толы еңбегін, тұрғындардың әлеуметтік жағдайын жақсартудағы маңызды рөлін атап өтті. Сонымен қатар, аудан басшысы барлық қатысушыларға кәсіби табыс, отбасылық амандық және жаңа жетістіктер тіледі.

Марапаттау рәсімі барысында облыстық және аудандық басшылық атынан алғыс хаттар табыс етіліп, әлеуметтік сала қызметкерлерінің еңбегі лайықты бағасын алды.

Бұл шара қызметкерлердің кәсіби мерейін арттыруға, олардың еңбегін бағалауға және әлеуметтік саладағы қызмет сапасын көтеруге бағытталған маңызды іс-шара ретінде өтті.