Өңір басшысы Берік Уәли Президенттің тапсырмасына сәйкес аймаққа үлкен көлемде инвестиция тартып жатыр.

Осы мақсатта облыс әкімі былтыр «Туған жерге туыңды тік» инвестициялық форумын ұйымдастырып, өңірден шыққан кәсіпкерлерді аймаққа қолдау көрсетуге шақырған болатын. Ағайынды Мұқашевтер сол кезде игі бастамаға алғаш болып ынта білдіріп, туған өлкеге инвестиция салуға дайын екенін жеткізген еді.

Қазіргі таңда Шақаман ауылының іргесінен ірі ет комбинатының құрылысы қарқынды әрі уақытынан кешікпей жүргізілуде.

Жоба аясында Жаңасемей ауданында қуаттылығы жылына 11 400 тонна ет және ет өнімдерін терең өңдейтін заманауи ет комбинаты салынуда. Бұл өндіріс ошағында консервіленген өнімдер, шұжық түрлері, жартылай фабрикаттар мен ет деликатестері шығарылатын болады.