Бүгін облыс әкімі Берік Уәли Семейде өтіп жатқан халықаралық Semey Cup футзал турнирі аясында ұйымдастырылған футзал жұлдыздарының қатысуымен өткен шоу-матчы тамашалады.

Көрермендерге мерекелік көңіл күй сыйлаған кездесуге әлемге танымал қақпашы Лео Игита және Ферраоның достары қатысты. Сондай-ақ, Самат Смақов, Рикардо Кака, Димаш Сүлейменов, Серік Жаманқұлов және басқа да футзал әлемінің танымал тұлғалары бір алаңда доп тепті. 

Ойынның негізгі уақытында қос команда да тартысты ойын өрнегін көрсетіп, есеп 8:8 болып тең аяқталды. Кездесу тағдырын анықтаған пенальти сериясында Ферраоның командасы мергендігімен көзге түсіп, 3:2 есебімен жеңіске жетті.

Айта кетейік, халықаралық Semey Cup футзал турнирі кеше басталған болатын. Оған «Семей», «Тұлпар» және «ИрАэро» командалары қатысып, өзара мықтыны анықтауда.