Ақпан айының басында Ядролық медицина және онкология орталығының радионуклидті диагностика бөлімшесінде зерттеудің жаңа әдісі – кардиосцинтиграфияны енгізу басталады. Қазіргі уақытта құрылғыны даярлау және медицина персоналын оқыту жүргізілуде.
        
Кардиосцинтиграфия — бұл миокардтың қанмен қамтамасыз етілуін және функционалдық жағдайын бағалаудың жоғары ақпараттық әдісі. Зерттеу радиофармпрепаратты енгізуге, содан кейін гамма-камера көмегімен жүрек бұлшықетіндегі препараттың таралуын тіркеуге негізделген.
        
Бұл әдіс миокард ишемиясын, инфаркттан кейінгі тыртықтық өзгерістерді анықтауға, сондай-ақ жүрек бұлшықетінің қабілетін бағалауға және қайтымды және қайтымсыз өзгерістерді ажыратуға мүмкіндік береді, бұл емдеу тәсілдерін таңдау үшін маңызды.
          
Кардиосцинтиграфия жоғары диагностикалық дәлдікпен, минималды сәулелену жүктемесімен және жақсы көтерімділікпен сипатталады. Зерттеу жарақатсыз, оны тыныштықта немесе жүктеме кезінде де орындауға болады.
          
Кардиосцинтиграфияны енгізу Орталықтың диагностикалық мүмкіндіктерін кеңейтеді және жүрек қан-тамырлары аурулары бар пациенттерге көрсетілетін медициналық көмектің сапасын арттырады.