«Ұлт ақыны – Шәкәрім»: «АМАNAT» партиясының «Ұлттық мұра» партиялық жобасы аясында қоғамдық дәріс өтті » 018.kz

«Ұлт ақыны – Шәкәрім»: «АМАNAT» партиясының «Ұлттық мұра» партиялық жобасы аясында қоғамдық дәріс өтті

27-04-2023, 09:20 Думан Кенжеғазыұлы

«АМАNAT» партиясының «Ұлттық мұра» партиялық жобасы аясында М. Әуезов атындағы педагогикалық колледжде Шәкәрім Құдайбердіұлының туғанына 165 жыл толуына орай «Ұлт ақыны – Шәкәрім» атты қоғамдық дәрісі өтті. Тағылымды іс-шараға «AMANAT» партиясының Абай облыстық филиалының атқарушы хатшысы Думанғазы Арғынғазин, филиал қызметкерлері, Абай облысы ардагерлер кеңесінің төрағасы Мұратқазы Әлин, қаланың белгілі ғалымдары, тарихшылары, жазушылары мен жастар қатысты.

Тарихи-танымдық іс-шараны «АМАNAT» партиясынан Абай облыстық мәслихат депутаты Шағангүл Жанаева ашып, сөз сөйледі.

- «АМАNAT» партиясында ел игілігі жолындағы бірқатар партиялық жобалар бар. Бұл жобалардың барлығы халыққа қызмет жасайтын, жастардың тәрбиесіне ықпал ететін бірден-бір тиімді жобалар. Сол жобалардың бірінде біз бас қосып отырмыз. Биылғы жыл еліміз үшін өткен жылдағылардай атаулы даталарға толы. Сол мерейтойларға арналған халқымыздың мерейін үстем ететін игілікті шаралар көп болады деген үміттеміз. Бүгінгі шарамыз осындай ірі тұлғаларымыздың бірі Шәкәрім Құдайбердіұлының 165 жылдығына арналып отыр, – деді Шағангүл Алдамжарқызы.

Партияның Абай облыстық филиалының атқарушы хатшысы Думанғазы Арғынғазин партиялық жобаның мақсаттары мен міндеттеріне тоқталып, мұндай шараларды өткізудің маңыздылығын атап өтті.

- «АМАNAT» партиясының ұлттық құндылықтарды дамыту бағытында өткізілетін партиялық іс-шараларды жүйелеу және біріздендіру мақсатында «Ұлттық мұра» партиялық жобасы 2019 жылдан бері іске асырылып келеді. «Ұлттық мұра» жобасының мақсаты – мәдениетімізді қалыптастыру, ұлттық тәрбиені арттыру. Қоғамдық дәріс түрінде өтіп жатқан іс-шара халқымыздың 1920-1930 жылдардағы қасірет тағдырынан сыр шертеді. Жас буынға осындай дәрістер өте қажет деп есептеймін, сондықтан мұндай шараларда белсенді болуға шақырамын! – деді Думанғазы Семейғазыұлы.

Жоба аясында жүргізілетін жұмыстардың форматтары әр түрлі. Қоғамдық дәрісті филология ғылымдарының кандидаты, «Абай және ұлттық руханият» ғылыми зерттеу орталығының жетекші ғылыми қызметкері Ақмарал Смағұлова жүргізді.

Шара барысында Ақмарал Төлеуғазықызы Шәкәрім Құдайбердіұлы туралы тың деректер ұсынып, ақын мұралары жөнінде мазмұнды баяндамалар жасады.

Тағыда оқыңыз

Шәкәрім шаңырағы – Абай елінің рухани қара шаңырағы!«АМАNАТ» партиясының Абай облыстық филиалында сайлауалды штабы ашылды 2023 жылы тойланатын атаулы күндер мен мерейтойлар Мемлекет басшысы Қасым-Жомарт Тоқаевтың VIII сайланған Парламенттің бірінші сессиясының ашылуында сөйлеген сөзі Абай облыстық мәслихатына бірмандаттық округ бойынша кімдер ұсынылды?

Бізге ақпарат жолдаңыз Телеграмдағы каналымыз

«Ұлт ақыны – Шәкәрім»: «АМАNAT» партиясының «Ұлттық мұра» партиялық жобасы аясында қоғамдық дәріс өтті

Пікірлер (0)