Ақтөбе облыстық көпсалалы ауруханасында Қазақстан Конституциясын реформалауды қолдауға арналған кездесу өтті.

Кездесуге облыстық мәслихат депутаты, «Qamqor» Ақтөбе облыстық денсаулық сақтау саласы қызметкерлері кәсіподағының төрағасы Қайрат Сабыр коалиция құрамында қатысып, еңбек ұжымымен пікір алмасты. Сонымен қатар Батыс Қазақстан медицина университетінің ректоры Талғар Сатыбайұлы Әбілов сөз сөйлеп, жаңа Конституцияның маңызына тоқталды.

Жиын барысында жаңа Конституция жобасының негізгі баптары мен олардың азаматтар мен денсаулық сақтау саласына тигізетін ықпалы жан-жақты талқыланды. Қатысушылар құжатта адамның өмірі мен денсаулығын қорғауға, азаматтардың құқықтары мен бостандықтарын нығайтуға ерекше мән берілгенін атап өтті.

Кездесу барысында жаңа Конституция қоғам мен мемлекет арасындағы диалогты күшейтіп, денсаулық сақтау жүйесін дамытуға, әлеуметтік әділдікті қамтамасыз етуге және халықтың өмір сапасын арттыруға негіз болатыны айтылды.