Сидней Олимпиадасының және әлем чемпионатының күміс жүлдегері, Азия ойындарының жеңімпазы, КРЕССШ басшысы, Қазақстан бокс федерациясының вице-президенті Мұхтархан Ділдәбеков жаңа Конституция жобасына қатысты өз пікірін білдіріп, ел азаматтарын алдағы референдумға белсенді қатысуға шақырды.

Оның айтуынша, спортта жеңіске жету үшін табандылық пен жауапкершілік қажет болса, қоғам өмірінде де дәл сондай белсенділік керек. Спортшы ретінде ол әрдайым ел намысын қорғауды басты міндеті деп санайтынын атап өтті.

Сондай-ақ Мұхтархан Ділдәбеков мемлекет тағдыры шешілетін маңызды кезеңде әр азаматтың дауысы маңызды екенін айтып, жерлестерін 15 наурызда өтетін референдумға қатысып, өз таңдауын жасауға үндеді.

«Бұл – еліміздің болашағына деген жауапкершілігімізді көрсететін тарихи мүмкіндік. Бірлігімізді көрсетіп, бейжай қалмайық», – деді ол.