Бүгін Қарағайлы ықшам ауданының тұрғыны, «Abay Media Group» ЖШС директоры Мирас Малғаждаров №51 мектеп ғимаратында орналасқан референдум учаскесіне барып, өз азаматтық таңдауын жасады.

Ол еліміздің болашағына қатысты маңызды шешім қабылданатын осындай сәтте әр азаматтың белсенділік танытып, өз пікірін білдіруі аса маңызды екенін атап өтті.

Оның айтуынша, референдум – халықтың еркін білдіретін маңызды демократиялық құрал. Сондықтан әрбір азамат ел тағдырына бейжай қарамай, өзінің азаматтық ұстанымын білдіруі қажет.

Сондай-ақ, ол әріптестері мен таныстарын, жалпы қала тұрғындарын осы маңызды саяси науқанға белсенді қатысып, өз таңдауларын жасауға шақырды.