Бүгін республикалық референдум аясында Думан Орынбеков өз таңдауын жасап, азаматтық белсенділік танытты. Ол Семей қаласындағы референдум учаскелерінің біріне келіп, дауыс берді.
Шәкәрім университетінің ректоры – Басқарма төрағасы ел болашағы үшін маңызды шешім қабылданатын мұндай саяси науқандарға әрбір азаматтың жауапкершілікпен қатысуы аса маңызды екенін атап өтті. Оның айтуынша, референдум – халықтың өз таңдауын жасап, ел дамуына қатысты пікірін білдіретін маңызды демократиялық үдеріс.
Сондай-ақ ол өңір тұрғындарын референдумға белсенді қатысып, өз азаматтық ұстанымдарын білдіруге шақырды. Университет ұжымы мен студент жастар да бұл саяси науқанға белсенді қатысып, ел болашағына бейжай қарамайтындарын көрсетіп жатқанын жеткізді.