Қарағайлы ықшам ауданында орналасқан №479 сайлау учаскесіне дауыс беруге келген тұрғындар саны көп. Қала тұрғындары отбасыларымен келіп, маңызды қоғамдық-саяси науқанға белсенді қатысуда.

Учаскеде іскерлік әрі көтеріңкі көңіл күй қалыптасқан. Дауыс беру үдерісі талапқа сай ұйымдастырылып, сайлаушылар өз таңдауларын еш кедергісіз жасап жатыр. Тұрғындардың белсенділігі олардың ел өміріндегі маңызды оқиғаларға бейжай қарамайтынын көрсетеді.

Көптеген сайлаушылар референдумға отбасымен келіп, азаматтық жауапкершіліктің үлгісін танытуда. Бұл өз кезегінде қоғамдағы бірлік пен ортақ жауапкершілік сезімін айқындай түседі.

Еске сала кетейік, референдум учаскелері таңғы 07:00-ден кешкі 20:00-ге дейін жұмыс істейді. Осы уақыт аралығында тұрғындар келіп, өз азаматтық таңдауларын жасай алады.