Сыбайлас жемқорлыққа қарсы қызмет облыс әкімдігімен бірлесіп білім беру саласындағы сыбайлас жемқорлық тәуекелдеріне сыртқы талдауды бастады.

Талдау 2023 жылғы 25 сәуірден 8 маусымға дейінгі кезеңде білім басқармасының, қалалық және аудандық бөлімдердің, сондай-ақ білім беру мекемелерінің қызметін қамти отырып жүргізілетін болады.

Талдау объектілердің ұйымдастыру-басқарушылық қызметіндегі сыбайлас жемқорлық тәуекелдерін анықтауға және жоюға бағытталған. Қаржыландыру, мемлекеттік бағдарламаларды іске асыру мәселелеріне ерекше назар аударылатын болады.

Сыбайлас жемқорлық тәуекелдерін азайту бойынша ақпарат пен ұсыныстарды жинақтау үшін antikor.abai@mail.ru электрондық поштасы қызмет етеді.

Сондай-ақ Сыбайлас жемқорлыққа қарсы қызметтің Call-орталығына 1424 нөмірі бойынша 24/7 режимінде хабарласуға болады.