Ақтау қаласында мерзімді әскери қызметін өткерген  сарбаздар қызмет мерзімі сәтті аяқталғаннан кейін Семей қаласына оралды. Әскери қызметшілердің салтанатты кездесуі теміржол вокзалында өтті.

Темір жол бекетіне келген сарбаздарды ата-аналары, туыстары және достары қарсы алды. Әскери қызметшілердің оралу құрметіне әскери оркестрдің қатысуымен салтанатты рәсім ұйымдастырылды, бұл іс-шараға ерекше көңіл-күй сыйлады. 

Абай облысының қорғаныс істері жөніндегі департаментінің бастығы  полковник Руслан Омаров құттықтау сөз сөйлеп, әскери борышын орындаудың маңыздылығын атап өтіп, сарбаздарға адал қызметі үшін алғысын білдірді.

Іс-шара жылы және салтанатты жағдайда өтті, бұл әскери қызметшілердің өздері үшін де, олардың жақындары үшін де маңызды оқиға болды.

Абай өңірлік гарнизонының баспасөз қызметі