Абай университетінде жоғары оқу орындарының студенттері арасында республикалық пәндік олимпиада өтті. Мақсаты - білім беруді дамыту, студенттер арасында ғылыми-техникалық шығармашылық пен бағдарламалауға қызығушылықты арттыру, ынталандыру; бағдарламалау арқылы өзекті мәселелерді шешуге жастарды тарту. 

Іс-шараға жоғары оқу орындарынан 13 команда қатысты. Олимпиада қорытындысы бойынша І-ші орынды Шәкәрім университетінің командасы жеңіп алды. ІІ орынды Қорқыт Ата атындағы Қызылорда университеті, ІІІ орынды Қазақ ұлттық қыздар педагогикалық университет иеленді.