Екінші жыл қатарынан Alikhan Bokeikhan University Бизнес және басқару кафедрасының студенттері Мемлекеттік және жергілікті басқау» мамандығы бойынша өткізілген Халықаралық пәндік олимпиаданың жүлдегерлері атанды.

Олимпиаданы дәстүрлі түрде Әл-Фараби атындағы Қазақ ұлттық университетінің «Экономика және бизнес» Жоғары мектебінің Менеджмент кафедрасы ұйымдастырды. 

Олимпиадаға Қазақстан, Ресей мен Өзбекстан жоғары оқу орындарынан жалпы жиыны 20-дан астам команда қатысты. Alikhan Bokeikhan University Бизнес және басқару кафедрасы Экономикалық зерттеулер ғылыми орталығының жетекшілігімен олимпиадаға екі бірдей студенттер командасын қатыстырды. Қатысушылар қатарында - С. Жанакелдіұлы, Д. Айқанов, Ж. Дулатов, А. Ахметжанова, Д. Даниялова, Е. Ахметов, Д. Маденов, М. Сериков.

Халықаралық олимпиада нәтижесі бойынша  6В04119 – «Мемлекеттік және жергілікті басқару» білім беру бағдарламасының студенттер командасы II орынды иеленіп, олимпиада дипломдарымен марапатталды.

Олимпиада жүлдегерлері - ГМУ-001 тобының студенттері - Жанакелдіұлы Серіккелді (команда капитан), Айқанов Данаел және Дулатов Жалғас. Команданың ғылыми жетекшісі - PhD доктор Қадыров Берік Қайыпқанұлы. 

Бизнес және басқару кафедрасы олимпиадаға белсене қатысқан студенттерімізге алғысын білдіріп, жүлдегер атанған білім алушыларымызды шын жүректен құттықтайды.